AYBLOV VA TERGOV JARAYONIDAGI MA’NAVIY JABRLANISH VA BU BORADAGI CHORA-TADBIRLAR

Abstract

Bugun mamlakatimizda amalga oshirilayotgan islohotlar jamiyat munosabatlarini yanada demokratlashtirish va yangilash, jamiyatni modernizasiya va isloh etish bosqichiga yetib keldi desak xato qilmagan bo‘lamiz. Islohotlarning bosh maqsadi ham jamiyat a’zolarining farovon turmushlarini tashkil qilish, ularning huquq va erkinliklarini ta’minlash bilan uzviy bog’liqdir. Shubhasiz, jamiyat a’zolarining huquq va erkinliklarini ta’minlash tushunchasi nafaqat ularning muayyan ijtimoiy munosabatlardagi faolliklariga huquqiy shart-sharoit yaratishni nazarda tutadi, shuningdek fuqarolarning turli g’ayriqonuniy tajovuzlardan himoya qilish tushunchasini ham o’z ichiga oladi.